Xəlil Rza Ulutürk. Seçilmiş əsərləri. 5 cilddə, I cild. Bakı, Elm, 2007.

Azərbaycan Respublikasının prezidenti cənab Heydər Əliyev 14 noyabr 2002-ci ildə Xəlil Rza Ulutürkün xatirəsini əbədiləşdirmək haqqında Sərəncam imzalamışdır. Bu Sərəncamın xüsusi bir maddəsində Azərbaycan Milli Elmlər Akademiyasına həvalə olunmuşdur ki, Azərbaycan Yazıçılar Birliyi ilə X.R.Ulutürkün "Seçilmiş əsərləri"nin hazırlanıb nəşr edilməsini təmin etsin. AMEA-nın Nizami adına Ədəbiyyat İnstitutunun mütəxəssisləri bu münasibətlə xalq şairinin zəngin ədəbi irsini nəzərdən keçirib araşdırmış, bu zaman çox təbii olan seçmə işi aparmış və onun "Seçilmiş əsərləri"nin beşcildliyini tərtib edib hazırlamışlar.