Rasim Nəbioğlu. Mədəniyyət. İncəsənət. Ədəbiyyat (məqalələr, publisistika, rəylər) II kitab. Bakı, Xəzər Universitəsi, 2021.

Rasim Nəbioğlunun “Mədəniyyət. İncəsənət. Ədəbiyyat” (məqalələr, publisistika, rəylər) II kitabı onun I kitabı kimi (2017) yenə müxtəlif illərdə yazdığı ədəbi-tənqidi, nəzəri-estetik, etik, fəlsəfi, sosioloji, psixoloji-elmi və publisistik məzmunlu yazılarından ibarətdir. Burada müəllifin dünyasını dəyişmiş müəyyən şəxsiyyətlərlə əlaqədar düşüncə və xatirələri də yer almışdır. Kitabdakı yazıların əksəriyyəti vaxtilə dövri mətbuatda, elmi nəşrlərdə işıq üzü görmüşdür, bir qismi isə ilk dəfə çap edilir.