Əlağa Vahid. Seçilmiş əsərləri. Bakı, Lider nəşriyyat, 2005.

Azərbaycanda, eləcə də Yaxın Şərqdə məşhur qəzəl şairi kimi şöhrət qazanmış Əlağa Vahidin yaradıcılıq bioqrafiyası maraqlı və özünəxas cəhət-lərə malikdir. Dahi Füzulini özünün böyük ustadı adlandıran Əlağa Vahid, onun bədii üslubundan, işlətdiyi əruz bəhrlərindən, təsvir və ifadə vasitə-lərindən, qafiyə və rədiflərindən bilavasitə faydalanaraq öz yaradıcılığında bədii sözün məna dolğunluğuna, ifadə səlisliyinə nail olmuşdur. Əlağa Vahid qəzəl yaradıcılığında püxtələşdikcə, klassik qəzəl məktə-binin istedadlı davamçısı kimi, öz dəsti-xətti ilə seçilmiş, qəzəlləri və satirik şeirləri xalq arasında sürətlə yayılmış, ürəklərə yol tapmış, sevilmiş və dillər əzbəri olmuşdur. Şair qəzəl janrının mövzu dairəsini xeyli genişləndirmiş, Vətənə, xalqa məhəbbətini sadə, adi xalq danışıq dilində əruzun ritmik bəhr-lərində, qoşa misralarla uğurla şerə çevirmişdir. Əlağa Vahidin "Seçilmiş əsərləri"nə müxtəlif illərdə qələmə aldığı qəzəlləri, şeirləri və poeması daxil edilmişdir.