Xuraman (İsmayılova). Ürəyimdən keçənlər. Hekayələr və mənsur şeirlər. Bakı, Nərgiz nəşriyyatı, 2011.

Özümü dərk edib, şüurlu həyata qədəm qoyan gündən çiyinlərimdə "borc" adlı ağır bir yük daşıyıram. Bu həyatı mənə bəxş edən Ulu Tanrıdan, ata-anamdan tutmuş, yerə, göyə, daşa, torpağa qədər hər kəsə borclu sayıram özümü. Mənə elə gəlir ki, ömür bizə bu borc-ları qaytarmaq üçün verilir. Allah heç kəsi heç kəsə borclu qoymasın. Elə borclar da var ki, iki ömür də yaşasan qaytara bilməzsən və mümkün də deyil.