. Bakı Beynəlxalq Humanitar Forumunun materialları (31 oktyabr - 1 noyabr 2013-cü il): II cild. Bakı, Şərq-Qərb, 2014.

Virtual reallıq, kompüter qrafikasının və texniki vasitələrin köməyi ilə insanın duyğu üzvlərinə təsir göstərməklə monitorda yaradılan süni dünyadır. Virtual reallıq ideyası və onun həyata keçirilməsi, nəzəri və tətbiqi problem kimi əsasən XX əsrin 60-cı illərində ABŞ-da M.Kryuqer, M.Xeyliq, A.Sazerlend tərəfindən tədqiq olunub. Virtual reallığın yaradılması ideyası bir tərəfdən insanların həyat və fəaliyyəti zamanı qarşılaşdıqlarıçətinliklkəri aradan qaldırmaq, insan həyatını daha da rahat etmək məqsədinə, digər tərəfdən isə insanların kiberməkanda fikir, hiss və hərəkətlərinə nəzarət etmək, onu məqsədyönlü şəkildə idarə olunmasına xidmət edir. İnsanların şüuraltı səviyyədə düşüncəsini istiqamətləndirmək, hiss və hərəkətləri ilə manipulyasiya etmək, virtual dünya lahiyəsinin qabarıq şəkildə nəzərə çarpmayan gizli məqsədidir.