Əzizə Cəfərzadə. Seçilmiş əsərləri. I cild. Bakı, Elm və təhsil, 2021.

Bu cild, Əzizə Cəfərzadənin ilk dəfə 1963-cü ildə dərc edilmiş ilk kitabı "Natəvan haqqında hekayələrlə başlayır. Əsərdə axırıncı Qarabağ xanı Mehdiqulu xan Cavanşirin qızı, İbrahimxəlil xanın nəvəsi, şairə, rəssam və xeyriyyəçi Xurşid banu Natəvan (1832-1897) haqqında hekayələr yer almışdır. Müəllif bu hekayələrdə, Natəvanın yaşadığı dövrü, Şuşa və Ağdamda keçən həyatını canlandırmışdır. Əsər çapa "Əllərini mənə ver", Bakı, "Gənclik", 1970 kitabından götürülərək bu cildə daxil edilmişdir. Bu cildə daxil olan ikinci əsər "Qobustan çökəklərində" romanıdır. Yazıçının ev arxivində mühafizə olunan bu əsər 1983-86-cı illərdə yazılıb, ilk dəfə burada çap olunur.