. Emin Sabitoğlu (Emin Sabit oğlu Mahmudov): biblioqrafiya. Bakı, Azərbaycan Milli Kitabxanası, 2022.

Azərbaycan Milli Kitabxanasının “Azərbaycanın görkəmli şəxsiyyətləri” seriyasından nəşr etdiyi növbəti biblioqrafiya 600-dən artıq mahnının, onlarla teatr tamaşası və 40-dan artıq kinofilmin musiqi müəllifi, Xalq artisti, professor, Dövlət mükafatı laureatı Emin Sabitoğlunun 85 illiyinə həsr edilmişdir. Biblioqrafiyada bəstəkarın əsərləri ilə yanaşı, həyat və yaradıcılığı haqqında zəngin material toplanmış, eləcə də dünya kitabxanalarında mühafizə olunan əsərləri öz əksini tapmışdır. Biblioqrafiya sənətşünaslar, bəstəkarlar, musiqi tədqiqatçıları, musiqi məktəblərinin müəllim, tələbə və şagirdləri, kitabxanaçı-biblioqraflar və geniş oxucu kütləsi üçün nəzərdə tutulmuşdur.