. Hüseyn Cavidin anadan olmasının 120 illiyi və kitabxanaların vəzifələri: Metodik tövsiyələr. Bakı, M.F. Axundov ad. Dövlət Kitabxanası, 2003.

Klassik Azərbaycan ədəbiyyatının ən yaxşı ənənələrini inkişaf etdirən, Azərbaycan mütərəqqi romantizminin banilərindən sayılan, Azərbaycan ədəbiyyatında ilk mənzum faciə və dramların müəllifi kimi tanınan Hüseyn Cavid ədəbiyyatımızın inkişafı tarixində misilsiz yaradıcılıq nümunələri ilə zəngin ədəbi irs qoyub getmiş gözəl qələm sahibidir. Bu gün belə bir obyektiv aynada, tarixi və elmi həqiqət güzgüsündə yenidən görünməyə Cavid qədər ehtiyacı olan ikinci böyük ədəbi simamız bəlkə də yoxdur.