Rəmzi Yüzbaşov. Rəmz. Bakı, Azərbaycan Universiteti, 2006.

Kitabda vətənpərvər alim Rəmzi Yüzbaşovun ev arxivindəki yazıların bəziləri çap olunmuşdur. Bu yazılarda milli əsarətə, cəmiyyətdə baş verən haqsızlıqlara, ədalətsizliklərə qarşı kəskin reaksiya müxtəlif janrlarda məktublar, satirik hekayələr, tarixi xatirələr və s. şəkildə öz əksini tapmışdır. Bu yazıların qiyməti, unikallığı onların yarandığı dövrlə repressiya «dərslərini keçmiş, KQB və senzura nəzarətini daima öz üzərində hiss edən, gözü qorxmuş, laqeydləşmiş. «qəlibə salınmış əksəriyyətin yaşadığı bir dövrlə bağlı idi. Belə bir sistemdə ruslaşdırma siyasətinə, erməni məkrinə qarşı SSRİ rəhbərliyini qıcıqlandıra bilən yazılar yazıb ali partiya və dövlət orqanlarına göndərmək böyük cəsarət tələb edirdi.