Məmməd Məmmədov. Azərbaycan mühacir poeziyasının parlaq ulduzu. Bakı, Azərbaycan Milli Kitabxanası, 2007.

Azərbaycan mühacirətinin milli mənəviyyatda, mədəniyyətdə və elmdə tutduğu yer uzun müddət diqqətdən kənarda qalmış, mühacirətimizin səbəbləri, əsəs dalğaları, yaradıcı simaları haqqında söz açılmamışdır. Azərbaycan mühacirliyi vətənə və torpağa bağlı, qürbətdə də vətəni düşünən, onun istiqlalının gələcəyinə inanan və bu amal uğrunda fədakarlıqla mübarizə aparan insanların əqidə birliyi idi. Bu əqidə birliyində mədəniyyət və ədəbiyyat ən önəmli yerlərdən birini təşkil edirdi.