Şirməmməd Nəzərli. Çəkilməyən film (roman). Bakı, Qanun Nəşriyyatı, 2012.

"Çəkilməyən film" kitabına müəllifin müxtəlif illərdə qələmə aldığı eyniadlı üçhissəli roman daxildir. Romanda Azərbaycan bədii ədəbiyyatında nadir hallarda müraciət olunan kino rejissorunun kəşməkəşli həyatı təsvir edilir. Əsərin qəhrəmanı cinayətkar halından mənəvi saflıq məqamına gedən bir ömür yaşayır. Bütün bu yol, əlbəttə ki, ictimai əxlaqdan, düşüncə tərzindən və adət-ənənələrdən xali deyil.