Səyyarə İbadullayeva, Ramiz Ələkbərov. Dərman bitkiləri (Etnobotanika və Fitoterapiya). Bakı, Elm, 2013.

Bitkilərin müalicəvi xüsusiyyətləri insanlara qədim zaman-lardan məlumdur. "Min dərd varsa, min bir də dərmanı var" deyən ulularımız bitki örtüyündəki minlərlə otlardan, gül-çiçək-lərdən, bitki köklərindən, tərəvəz və meyvələrdən istifadə etmiş və öz azar-bezarlarını bitkilərdən hazırladıqları dərmanlarla müalicə etmişlər. Belə təbii dərmanları insanların tanımaları və onlardan istifadə etmələri zamanın sınağından uğurla çıxmış və bugünkü elmi-texniki tərəqqi əsrində də öz əhəmiyyətini itirmə-yib daha da artırmışdır. Hətta bir vaxt xalq təbabətinə - türkəça-rəyə qısqanclıqla yanaşan elmi təbabət də bu gün onun əhəmiy-yətini etiraf edir.