Kamal Abdulla. 300 AZƏRBAYCANLI. Bakı, Mütərcim , 2007.

Kitab müəllifin sənətkarlıq, ədəbiyyat, həyat barədə 1980-ci illərdən üzü bəri yazdığı, "Əvvəl-axır yazılanlar" və "Yolun əvvəli və axırı" adlı əsərlərində topladığı və müxtəlif qəzet, dərgilərdə nəşr etdirdiyi ədəbi-bədii esselərdən ibarətdir. Yığcam, lakonik, məsələnin məğzinə yönəlmiş özünəməxsus düşüncə tərzinin təzahürü olan bu esselər, bir tərəfdən oxucu ilə, digər tərəfdən bir-birilə sıx əlaqə üzərində qurulduğundan kitab əslində keçən əsrin 80-ci, 90-cı illərinin ədəbi düşüncəsi, ədəbi mühiti barədə yazılmış roman-esse kimi də qəbul edilə bilər.