Vüsal Qasımlı. İqtisadi artım. Bakı, , 2021.

İqtisadi artıma klassik yanaşmanı təqdim edən A.Smit və D.Rikardo istehsalın üç əsas amilini müəyyənləşdirirdilər: əmək, kapital və torpaq. Sonralar Romer və başqaları bu sıraya texnologiyanı, Rodrik, Robinson və başqaları institutları, nəhayət Lixt də daxil olmaqla bir sıra alimlər isə mədəniyyəti əlavə etdi. Hələ vaxtilə, İbn Xəldun cəmiyyətdə mənəvi dəyərləri inkişafın əsası kimi qəbul edirdi. Bu kitabda müxtəlif modellər, o cümlədən, Solou artım modeli, neoklassik model, endogen texnoloji dəyişmələr, stoxastik artım kimi yanaşmalardan istifadə edərək iqtisadi artımın mahiyyəti izah olunur. İqtisadi artıma təsir göstərən ənənəvi amillərlə yanaşı, mədəni müxtəliflik, narrativ və sosial kapital kimi faktorların da iqtisadi inkişafda roluna toxunulmuşdur