. Rus nəsri antalogiyası. Bakı, Şərq-Qərb, 2013.

RUS NƏSRİ RUS İNSANININ YAŞAM TƏCRÜBƏSİ KİMİ Rus nəsrinin bütöv mənzərəsini kiçik bir yazıda təsvir etmək, onun tarixini və metafizikasını şərh etmək son dərəcə məsuliyyətli və həddindən artıq mürəkkəb məsələdir. Rus insanını anlamaq, əslində, böyük rus ədəbiyyatını anlamaq deməkdir. Bu baxımdan klassik rus nəsri rus insanının yaşam-tale təcrübəsinin bədii ifadəsi, onun etnik düşüncə miqyasının poetik göstəricisidir, təhkiyə imkanlarıdır.