Ərəstun Mehdiyev. Azərbaycan neft sənayesi XIX yüzilin son rübündə. Bakı, Altay, 2000.

Kitabda XIX yüzilin son rübündə Azərbaycan neft sənayesinin təşəkkülü və inkişafı, kapital qoyuluşunun mənbələri,Qərb kapitalının neft sənayesinə cəlb edilməsi sahəsində Rusiya hökumətinin tədbirləri, Azərbaycanın milli burjuaziyasına qarşı çarizmin ayrı-seçkilik siyasəti, Qərb və Rusiya kapitalının, o cümlədən Azərbaycan milli kapitalının xüsusi çəkisi və neft sənayesinin inkişafında rolu məsələləri tədqiq edilir. Əsərdə, həmçinin, neft sənayesində inhisarlaşma prosesi, ilk inhisar birliklərində müxtəlif mənşəli kapitalın mövqeyi və s. məsələlər də öyrənilir.