Təhmasib Novruzov. Nur dərəsi. Bakı, İmza, 2023.

“Nur dərəsi” Təhmasib Novruzovun sayca ikinci romanıdır. Əsər XX əsrin əvvəllərində və Sovet Hakimiyyətinin ilk on illiklərində Azərbaycanın əyalət bölgələrindən birində, Qarabağın Abdal - Gülablı kəndində baş verən hadisələrdən bəhs edir. Səfəvi dövlətinin səraslanı Dədəbəyin nəslindən olan Binnət Fərzəliyevin ətrafında baş verən real tarixi hadisələrdən, erməni məkrindən və Sovet repressiyalarından bəhs edən roman bədii cəhətdən oxunaqlı ədəbi əsərdir.