Əbdürrəhman Cami. Baharistan. Bakı , , 2004.

XV əsrin görkəmli sənətkarlarından, klassik Şərq poeziyasının «son nümayəndəsi» kimi ədəbiyyat tarixinə daxil olan Əbdürrəhman Cami öz yaradıcılığı ilə yalnız fars-tacik ədəbiyyatını deyil, bütün Şərq ədəbiyyatını zənginləşdirən ədəbi irsə malikdir. Əsərlərində bədii ideyaları, ədaləti, saflığı, təmiz, ülvi hissləri təbliğ edən Ə.Caminin əsərləri məhz bu səbəbə görə hələ öz dövründə yüksək qiymətləndirilmiş, fikir- düşüncə tərzi ilə bütün zamanlarda müasir səslənmiş və onların müəllifi şer-sənət dünyasının korifeyləri cərgəsində özünə məxsus fəxri yerlərdən birini tutmuşdur.