Ülviyyə Kamransoy. Daxili Gücün Oyanışı. Bakı , Pan nəşriyyatı, 2024.

İnsanlar doğulduğu gündən onu əhatə edən ətraf-aləmə adaptasiya olmağa, uyğunlaşmağa çalışır. Bu yolda əvvəlcə o, valideynlərini tanıyır, onların vasitəsilə yeriməyi və ünsiyyət qurmağı öyrənir, daha sonra bağçaya gedir və ilk sosial çevrəsini tanıyır, daha növbəti mərhələdə məktəb, lisey, kollec, universitet, həmyaşıdlar, dostlar, tanışlar, müəllimlər və s. bu minvalla həyatı öyrənərək və təcrübə edərək yaşamağa davam edir. Hər yeni pillə onu bir az daha formalaşdırır və hər dəfə yeni mühit, yeni insanlarla həyat ona yeni adaptasiya tapşırığı verir. Bu tapşırıq bəzən asan, bəzən isə həlli mümkünsüz görünən situasiyalara çevrilir. Beləcə, biz bu situasiyalarla məşğul olduğumuz zaman həm də onlara qarşı immun sistemimiz – sağqalma instinktlərimiz formalaşır...