Məhəmməd ibn Mahmud ibn Hacı Şirvani. Ətriyyat bağı (Rövzətül-itr). Bakı, Elm, 2019.

XIII yüzilliyin sonları və XIV yüzilliyin əvvəllərində bir müddət doğma vətəni Azərbaycanın Şirvan mahalında, sonralar isə Türkiyə sultanlarının sarayında xidmət göstərmiş Məhəmməd ibn Mahmud ibn Hacı Şirvaninin bu əsəri Azərbaycanın tibb elmi tarixinin, ümumiyyətlə orta əsr tibb elminin bəzi xüsusiyyətlərinin öyrənilməsində tibb mütəxəssisləri, xüsusən əczacılıq sahəsində çalışanlar, səriştəsi olanlar və hətta həmin sahəyə maraq göstərənlər üçün dəyarli vəsait sayıla bilər.