Ulu baban kim olub?: III kitab

“Ulu baban kim olub?” seriyasından 2005-ci ildə nəşr olunmuş ilk kitabda yurddaşlarımıza Borçalı mahalının Bolus-Kəpənəkçi kəndinin, 2006-cı ildə nəşr olunmuş 2-ci kitabda isə Darvaz kəndinin XIX əsrə aid kameral təsvirləri təqdim olunmuşdur. Bu kitab həmin dövrdə Faxralı (1821 və 1859-cu illər), Saraçlı (1821-ci il), İmirhasan (1821-1860-cı illər) və Qoçulu (1821-ci il) kəndlərinin sakinləri olan ulu babalarımızı əhatə edir. Nəşrə hazır olan sonrakı kitablarda digər kənd və yörələrimizin ulularına dair bilgilər veriləcək.